haan samundar mein utar lekin ubharne ki bhi soch — Arsh Siddiqui

vo ayaadat ko to aayaa thaa magar jaate hue
apni tasvirein bhi kamre se uThaa kar le gayaa

zamaane bhar ne kahaa 'arsh' jo, khushi se sahaa
par ek lafz jo us ne kahaa sahaa na gayaa

ek lamhe ko tum mile the magar
umr bhar dil ko ham masalte rahe

ik teri be-rukhi se zamaana khafaa huaa
ai sang-dil tujhe bhi khabar hai ki kyaa huaa

ham ki maayus nahin hain unhein paa hi leinge
log kahte hain ki DhunDe se khudaa miltaa hai

bas yunhi tanhaa rahungaa is safar mein umr bhar
jis taraf koi nahin jaataa udhar jaataa huun main

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

maango samundaron se na saahil ki bhiik tum
haan fikr o fan ke vaaste gahraai maang lo

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

gulaabon ke honTon pe lab rakh rahaa huun
use der tak sochnaa chaahtaa huun

gaaDi mein bhi ghar ko soche jaataa huun
gaaDi aage aur main pichhe jaataa huun