mujh ko talaash karte ho auron ke darmiyaan — Arshad Kamal

ye maanaa sail-e-ashk-e-gham nahin kuchh kam magar 'arshad'
zaraa utraa nahin dariyaa ki banjar jaag uThtaa hai

— Arshad Kamal

khaak-e-sahraa to bahut duur hai ai vahshat-e-dil
kyuun na zehnon pe jami gard uDaa di jaae

— Arshad Kamal

vo aae to lagaa gham kaa mudaavaa ho gayaa hai
magar ye kyaa ki gham kuchh aur gahraa ho gayaa hai

— Arshad Kamal

vo zamaane kaa taghayyur ho ki mausam kaa mizaaj
be-zarar donon hain nairangi-e-aadaam ke sivaa

— Arshad Kamal

kabhi un kaa nahin aanaa khabar ke zail mein thaa
magar ab un kaa aanaa hi tamaashaa ho gayaa hai

— Arshad Kamal

bilaa-sabab to koi barg bhi nahin hiltaa
tu apne aaj pe asaraat kal ke dekh zaraa

— Arshad Kamal

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal