bilaa-sabab to koi barg bhi nahin hiltaa — Arshad Kamal

ye maanaa sail-e-ashk-e-gham nahin kuchh kam magar 'arshad'
zaraa utraa nahin dariyaa ki banjar jaag uThtaa hai

khaak-e-sahraa to bahut duur hai ai vahshat-e-dil
kyuun na zehnon pe jami gard uDaa di jaae

vo aae to lagaa gham kaa mudaavaa ho gayaa hai
magar ye kyaa ki gham kuchh aur gahraa ho gayaa hai

vo zamaane kaa taghayyur ho ki mausam kaa mizaaj
be-zarar donon hain nairangi-e-aadaam ke sivaa

mujh ko talaash karte ho auron ke darmiyaan
hairaan ho rahaa huun tumhaare gumaan par

kabhi un kaa nahin aanaa khabar ke zail mein thaa
magar ab un kaa aanaa hi tamaashaa ho gayaa hai

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

rok do ye raushni ki tez dhaar
meri miTTi mein gundhi hai raat bhi

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein