tumhein baa-vafaa jaanne ke alaava — Arshadi Badayuni

us ko fursat bhi nahin mujh ko tamannaa bhi nahin
phir khalish kyaa hai ki rah rah ke vafaa DhunDhti hai

tabiat ki mushkil-pasandi to dekho
hasinon se tark-e-vafaa chaahtaa huun

main khaandaan ki paabandiyon se vaaqif thi
khudaa kaa shukr hai us shakhs ne vafaa nahin ki

ik lafz yaad thaa mujhe tark-e-vafaa magar
bhulaa huaa huun Thokarein khaane ke baa'd bhi

kaun uThaaegaa tumhaari ye jafaa mere baad
yaad aaegi bahut meri vafaa mere baad

ab zamaana hai bevafaai kaa
siikh lein ham bhi ye hunar shaayad