ik lafz yaad thaa mujhe tark-e-vafaa magar — Ashhad Bilal Ibn

aao to mere sahn mein ho jaae raushni
muddat guzar gai hai charaaghaan kiye hue

zindagi ki haqiqat ajab ho gai
aaj kal ho rahi hai basar khvaab mein

yaad rakhnaa bhi ik ibaadat hai
kyuun na ham un kaa haafiza ho jaaein

hosh-o-havaas khone lagaa huun firaaq mein
tanhaaiyon ne aisaa muqaffal kiyaa mujhe

tamaam din ki mashaqqat-bhari takaan ke baad
tamaam raat mohabbat se phir jagaaun use

saveraa le ke aataa hai mire khvaabon ki taabirein
magar jab shaam hoti hai to un ki yaad aati hai

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai