tamaam din ki mashaqqat-bhari takaan ke baad — Ashhad Bilal Ibn

aao to mere sahn mein ho jaae raushni
muddat guzar gai hai charaaghaan kiye hue

— Ashhad Bilal Ibn

yaad rakhnaa bhi ik ibaadat hai
kyuun na ham un kaa haafiza ho jaaein

— Ashhad Bilal Ibn

zindagi ki haqiqat ajab ho gai
aaj kal ho rahi hai basar khvaab mein

— Ashhad Bilal Ibn

hosh-o-havaas khone lagaa huun firaaq mein
tanhaaiyon ne aisaa muqaffal kiyaa mujhe

— Ashhad Bilal Ibn

saveraa le ke aataa hai mire khvaabon ki taabirein
magar jab shaam hoti hai to un ki yaad aati hai

— Ashhad Bilal Ibn

aaj bhi naqsh hain dil par tiri aahaT ke nishaan
ham ne us raah se auron ko guzarne na diyaa

— Ashhad Bilal Ibn

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti