baarish ne ik ThanDak laa di hai man mein — Ashwini Yadav

man mein aayaa pahle tum ko taa'ne duun
khair haTaao aur bataao kaise ho

har ik aansu kaa badlaa ho saktaa hai
ye moti angaare bhi ban sakte hain

duniyaa tire suraagh ko ab paa gayaa huun main
lailaa se laa-ilaah talak aa gayaa huun main

mujhe chhoD kar jo chalaa gayaa use yaad karne se kyaa gharaz
jo Thahar gae unhein shukriya jo chale gae unhein alvidaaa’

zinda rahte milne vaale laakhon hain
mayyat par har girtaa aansu daulat hai

ek 'arse ke baa'd main ne tumhein dekhaa hai
ek 'arse ke baa'd phir se mujhe pyaar huaa

pyaaso raho na dasht mein baarish ke muntazir
maaro zamin pe paanv ki paani nikal paDe

main par-shikasta na thaa baadalon ke biich magar
miri uDaan kaa zanjir se lipaT jaanaa

divaana-e-justuju ho gayaa chaand
baadal se gir ke kho gayaa chaand

mar gae pyaas ke maare to uThaa abr-e-karam
bujh gai bazm to ab shama jalaataa kyaa hai

ham jis ke ho gae vo hamaaraa na ho sakaa
yuun bhi huaa hisaab baraabar kabhi kabhi

vo mujh ko chhoD ke jis aadmi ke paas gayaa
baraabari kaa bhi hotaa to sabr aa jaataa