yaar kisi ke gham mein tum mar jaaoge — Ashwini Yadav

man mein aayaa pahle tum ko taa'ne duun
khair haTaao aur bataao kaise ho

har ik aansu kaa badlaa ho saktaa hai
ye moti angaare bhi ban sakte hain

duniyaa tire suraagh ko ab paa gayaa huun main
lailaa se laa-ilaah talak aa gayaa huun main

mujhe chhoD kar jo chalaa gayaa use yaad karne se kyaa gharaz
jo Thahar gae unhein shukriya jo chale gae unhein alvidaaa’

zinda rahte milne vaale laakhon hain
mayyat par har girtaa aansu daulat hai

ek 'arse ke baa'd main ne tumhein dekhaa hai
ek 'arse ke baa'd phir se mujhe pyaar huaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

kisi ki yaad manaane mein iid guzregi
so shahr-e-dil mein bahut duur tak udaasi hai