sabr ki had bhi to kuchh hoti hai — Ata Abidi

zarurat Dhal gai rishte mein varna
yahaan koi kisi kaa apnaa kab hai

aaj bhi 'prem' ke aur 'krishn' ke afsaane hain
aaj bhi vaqt ki jamhuri zabaan hai urdu

sab khvaab puraane hain har chand fasaane hain
ham roz basaate hain aankhon mein nai duniyaa

koi bhi khush nahin hai is khabar se
ki duniyaa jald lauTegi safar se

kisi ke jism-o-jaan chhalni kisi ke baal-o-par TuuTe
jali shaakhon pe yuun laTke kabutar dekh aayaa huun

khvaab hi khvaab ki taabir huaa to jaanaa
zindagi kyuun kisi aankhon ke asar mein aai