khvaab hi khvaab ki taabir huaa to jaanaa — Ata Abidi

zarurat Dhal gai rishte mein varna
yahaan koi kisi kaa apnaa kab hai

sabr ki had bhi to kuchh hoti hai
kitnaa palkon pe sambhaalun paani

sab khvaab puraane hain har chand fasaane hain
ham roz basaate hain aankhon mein nai duniyaa

adab hi zindagi mein jab na aayaa
adab mein itni mehnat kis liye hai

koi bhi khush nahin hai is khabar se
ki duniyaa jald lauTegi safar se

kisi ke jism-o-jaan chhalni kisi ke baal-o-par TuuTe
jali shaakhon pe yuun laTke kabutar dekh aayaa huun

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai

chalaa gayaa jo mujhe chhoD kar na jaane kahaan
main us ke naam pe ye zindagi guzaarun kyon

kabhi kabhi tu mujhe yaad kar to leti hai
sukun itnaa saa kaafi hai zindagi ke liye