sochte aur jaagte saanson kaa ik dariyaa huun main — Athar Nafees

'athar' tum ne ishq kiyaa kuchh tum bhi kaho kyaa haal huaa
koi nayaa ehsaas milaa yaa sab jaisaa ahvaal huaa

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai

darvaaza khulaa hai ki koi lauT na jaae
aur us ke liye jo kabhi aayaa na gayaa ho

hamaare ishq mein rusvaa hue tum
magar ham to tamaashaa ho gae hain

vo ishq jo ham se ruuTh gayaa ab us kaa haal bataaein kyaa
koi mehr nahin koi qahr nahin phir sachchaa sher sunaaein kyaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tu ne kab ishq mein achchhaa buraa sochaa 'sarvar'
kaise mumkin hai ki teraa buraa anjaam na ho

vahshat to sang-o-khisht ki tartib le gai
ab fikr ye hai dasht ki vusat bhi le na jaae

vasl mein suukh gai hai miri sochon ki zamin
hijr aae to miri soch ko shaadaab kare

ham dozakh-e-ehsaas mein jalte hi raheinge
ye fikr kaa haasil hai basirat ki sazaa hai