ik shakl hamein phir bhaai hai ik surat dil mein samaai hai — Athar Nafees

'athar' tum ne ishq kiyaa kuchh tum bhi kaho kyaa haal huaa
koi nayaa ehsaas milaa yaa sab jaisaa ahvaal huaa

baa-vafaa thaa to mujhe puchhne vaale bhi na the
be-vafaa huun to huaa naam bhi ghar ghar meraa

sochte aur jaagte saanson kaa ik dariyaa huun main
apne gum-gashta kinaaron ke liye bahtaa huun main

darvaaza khulaa hai ki koi lauT na jaae
aur us ke liye jo kabhi aayaa na gayaa ho

hamaare ishq mein rusvaa hue tum
magar ham to tamaashaa ho gae hain

vo ishq jo ham se ruuTh gayaa ab us kaa haal bataaein kyaa
koi mehr nahin koi qahr nahin phir sachchaa sher sunaaein kyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

tujhe sang-dil ye pata hai kyaa ki dukhe dilon ki sadaa hai kyaa?
kabhi choT tu ne bhi khaai hai kabhi teraa dil bhi dukhaa hai kyaa?

dil ke muaamle mein mujhe dakhl kuchh nahin
is ke mizaaj mein jidhar aae udhar rahe

dil unhein deinge magar ham deinge in sharton ke saath
aazmaa kar jaanch kar sun kar samajh kar dekh kar