sher kaa tiir kisi kaa ho agar dil ko lagaa — Aziz Nabeel

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

roz dastak si koi detaa hai siine mein 'nabil'
roz mujh mein kisi aavaaz ke par khulte hain

khaamushi TuTegi aavaaz kaa patthar bhi to ho
jis qadar shor hai andar kabhi baahar bhi to ho

ek takhti amn ke paighaam ki
Taang diije unche minaaron ke beach

phir nae saal ki sarhad pe khaDe hain ham log
raakh ho jaaegaa ye saal bhi hairat kaisi

tumhaaraa saath agar ho to joD saktaa huun
vo silsila jo sar-e-daastaan TuuT gayaa

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

haae 'taalib' dekhne ko us ki surat ke liye
murgh-e-dil taDpe hai kaisaa uD ke milnaa chaahiye

ab raah-e-vafaa ke patthar ko ham phuul nahin samjheinge kabhi
pahle hi qadam par Thes lagi dil TuuT gayaa achchhaa hi huaa

patthar bhi chaTakhte hain to de jaate hain aavaaz
dil TuuT rahe hain to sadaa kyuun nahin dete