agar saae se jal jaane kaa itnaa khauf thaa to phir — Azm Shakri

main ne ik shahr hamesha ke liye chhoD diyaa
lekin us shahr ko aaankhon mein basaa laayaa huun

— Azm Shakri

aaj ki raat divaali hai diye raushan hain
aaj ki raat ye lagtaa hai main so saktaa huun

— Azm Shakri

zakhm jo tum ne diyaa vo is liye rakkhaa haraa
zindagi mein kyaa bachegaa zakhm bhar jaane ke baad

— Azm Shakri

vaqt-e-rukhsat aab-dida aap kyuun hain
jism se to jaan hamaari jaa rahi hai

— Azm Shakri

yuun baar baar mujh ko sadaaein na dijiye
ab vo nahin rahaa huun koi dusraa huun main

— Azm Shakri

aansuon se likh rahe hain bebasi ki daastaan
lag rahaa hai dard ki tasvir ban jaaeinge ham

— Azm Shakri

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem

aankhon mein meri subh-e-qayaamat gai jhamak
siine se us pari ke jo parda ulaT gayaa

— Nazeer Akbar Abadi

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

— Allama Iqbal

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

— Aleena Itrat

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

nazar se hadd-e-nazar tak tamaam taariki
ye ehtimaam hai ik vaada-e-sahar ke liye

— Hafeez Hoshiarpuri