aaj ki raat divaali hai diye raushan hain — Azm Shakri

main ne ik shahr hamesha ke liye chhoD diyaa
lekin us shahr ko aaankhon mein basaa laayaa huun

zakhm jo tum ne diyaa vo is liye rakkhaa haraa
zindagi mein kyaa bachegaa zakhm bhar jaane ke baad

vaqt-e-rukhsat aab-dida aap kyuun hain
jism se to jaan hamaari jaa rahi hai

yuun baar baar mujh ko sadaaein na dijiye
ab vo nahin rahaa huun koi dusraa huun main

saare dukh so jaaeinge lekin ik aisaa gham bhi hai
jo mire bistar pe sadiyon kaa safar rakh jaaegaa

aansuon se likh rahe hain bebasi ki daastaan
lag rahaa hai dard ki tasvir ban jaaeinge ham

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

rok do ye raushni ki tez dhaar
meri miTTi mein gundhi hai raat bhi

raat yuun dil mein tiri khoi hui yaad aai
jaise viraane mein chupke se bahaar aa jaae