vaqt-e-rukhsat aab-dida aap kyuun hain — Azm Shakri

main ne ik shahr hamesha ke liye chhoD diyaa
lekin us shahr ko aaankhon mein basaa laayaa huun

aaj ki raat divaali hai diye raushan hain
aaj ki raat ye lagtaa hai main so saktaa huun

zakhm jo tum ne diyaa vo is liye rakkhaa haraa
zindagi mein kyaa bachegaa zakhm bhar jaane ke baad

yuun baar baar mujh ko sadaaein na dijiye
ab vo nahin rahaa huun koi dusraa huun main

saare dukh so jaaeinge lekin ik aisaa gham bhi hai
jo mire bistar pe sadiyon kaa safar rakh jaaegaa

aansuon se likh rahe hain bebasi ki daastaan
lag rahaa hai dard ki tasvir ban jaaeinge ham

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

aasmaan jhaank rahaa hai 'khaalid'
chaand kamre mein mire utraa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai