paar dariyaa-e-shahaadat se utar jaate hain sar — Bayan Meeruthi

dil aayaa hai qayaamat hai miraa dil
uThe taazim de joban kisi kaa

yaad mein khvaab mein tasavvur mein
aa ki aane ke hain hazaar tariq

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

shaikh ke maathe pe miTTi barhaman ke bar mein but
aadmi dair-o-haram se khaak patthar le chalaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

phir aaj kaise kaTegi pahaaD jaisi raat
guzar gayaa hai yahi baat sochte hue din

achchhi misaal bantin zaahir agar vo hotin
in nekiyon ko ham to dariyaa mein Daal aae

dariyaa ne bhi bhaag-bhari ki gaagar itni bhar di hai
ab gaagar ke honT bhigote jaate hain pagDanDi ko

main kinaare pe khaDaa huun to koi baat nahin
bahtaa rahtaa hai tiri yaad kaa dariyaa mujh mein

kashtiyaan TuuT gai hain saari
ab liye phirtaa hai dariyaa ham ko