yaad mein khvaab mein tasavvur mein — Bayan Meeruthi

dil aayaa hai qayaamat hai miraa dil
uThe taazim de joban kisi kaa

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

adaaein taa-abad bikhri paDi hain
azal mein phaT paDaa joban kisi kaa

shaikh ke maathe pe miTTi barhaman ke bar mein but
aadmi dair-o-haram se khaak patthar le chalaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

hamein to saans bhi lene ki fursatein na rahin
kisi ki yaad ke munh-zor silsile hain bahut

is ko naa-qadri-e-aalam kaa sila kahte hain
mar chuke ham to zamaane ne bahut yaad kiyaa

ek saaghar bhi inaayat na huaa yaad rahe
saaqiyaa jaate hain mahfil tiri aabaad rahe

tujhe khabar hai ki ibtidaa bhi hai intihaa bhi
jahaan-e-maani mein darmiyaan ko bhi yaad rakhnaa