qabr mein raahat se soe the na thaa mahshar kaa khauf — Bhartendu Harishchandra

ye chaar din ke tamaashe hain aah duniyaa ke
rahaa jahaan mein sikandar na aur na jam baaqi

ai 'rasaa' jaisaa hai bargashta zamaana ham se
aisaa bargashta kisi kaa na muqaddar hogaa

na bosa lene dete hain na lagte hain gale mere
abhi kam-umr hain har baat par mujh se jhijakte hain

baat karne mein jo lab us ke hue zer-o-zabar
ek saaat mein tah-o-baalaa zamaana ho gayaa

ye kah do bas maut se ho rukhsat kyuun naahaq aai hai us ki shaamat
ki dar talak vo masih-khaslat miri ayaadat ko aa chuke hain

abhi to aae ho jaldi kahaan hai jaane ki
uTho na pahlu se Thahro zaraa kidhar ko chale

mujhe na Dar hai qayaamat kaa ab na khauf-e-ajal
main dard-e-tark-e-mulaaqaat sah ke aaya huun

kyaa rah gayaa hai shahr mein khanDaraat ke sivaa
kyaa dekhne ko ab yahaan aae hue hain log

rudaad-e-shab-e-gham yuun Dartaa huun sunaane se
mahfil mein kahin un ki surat na utar jaae

sangat dilon ki jivanon marnon kaa irtibaat
phir Dar paDaa thaa kyaa tujhe gird-o-navaah kaa

kis ne sochaa thaa ki khud se mil kar
apni aavaaz se Dar jaanaa hai

dahshat khuli fazaa ki qayaamat se kam na thi
girte hue makaanon mein aa baiThe yaar log