kis ne sochaa thaa ki khud se mil kar — Navneet Sharma

choT khaae hue lamhon kaa sitam hai ki use
ruuh ke chehre pe dikhte hain muhaanse kitne

mire qarib koi khvaab kaise aa paataa
ki mujh mein rahte hain barson se ratjage raushan

phone par baat hui us se to andaaza huaa
apni aavaaz mein bas aaj hi shaamil huaa main

jiyaa huun umr bhar main bhi akelaa
use bhi kyaa milaa naaraazgi se

mire andar miraa kuchh bhi nahin bas tu hai baaqi
tire andar bataa pyaare main ab kitnaa bachaa huun

ek tasvir ko haTaayaa bas
dil ki divaar khaali khaali hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

soch din raat yahi hai tire divaane ki
jaaiye shahr ko par chhoDiye sahraa kyunkar

ikaTThe kar ke teri dusri tasvir khinchungaa
vo sab jalve jo chhan chhan kar tiri chilman se nikleinge

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi