hamaaraa dost tufaili bhi hai baDaa shaaer — Dilawar Figar

is kaa kyaa hogaa ye jo unvaan aadhaa rah gayaa
ye bhi lete jaaein jo saamaan aadhaa rah gayaa

main bhi thaa haazir bazm mein jab tu ne dekhaa hi nahin
main bhi uThaa kar chal diyaa bilkul nayaa juutaa tiraa

pakDi gai radif to fauran ye kah diyaa
likhnaa kabhi thaa aur main yahaan likh gayaa abhi

ek achchhaa-khaasaa mard zanaane mein ghus paDaa
goyaa ki ek chor khazaane mein ghus paDaa

ek shaadi to Thiik hai lekin
ek do tiin chaar had kar di

kyaa bataaun mein tumhein is shahr kaa jughraafiya
bambai hai ik ghazal gaD-baD hai jis kaa qaafiya

jab ki pahlu se yaar uThtaa hai
dard be-ikhtiyaar uThtaa hai

zamaane bhar ko mubaarak khushi kaa aalam ho
hamaare vaaste ai dost tum kahaan kam ho

na jaane kyuun hamaare dil ko tum ne dil nahin samjhaa
ye shisha toD Daalaa pyaar ke qaabil nahin samjhaa

badlaa jo vaqt gahri rifaaqat badal gai
suraj Dhalaa to saae ki surat badal gai

facebōk hi aaj-kal chaupaal hai
chauk par milte kahaan hain chaar dost

qarib se use dekho to vo bhi tanhaa hai
jo duur se nazar aataa hai anjuman yaaro