ek shaadi to Thiik hai lekin — Dilawar Figar

is kaa kyaa hogaa ye jo unvaan aadhaa rah gayaa
ye bhi lete jaaein jo saamaan aadhaa rah gayaa

main bhi thaa haazir bazm mein jab tu ne dekhaa hi nahin
main bhi uThaa kar chal diyaa bilkul nayaa juutaa tiraa

pakDi gai radif to fauran ye kah diyaa
likhnaa kabhi thaa aur main yahaan likh gayaa abhi

ek achchhaa-khaasaa mard zanaane mein ghus paDaa
goyaa ki ek chor khazaane mein ghus paDaa

sochaa thaa aadmi kaa qasida likheinge ham
matlaa kahaa hi thaa ki gadhaa yaad aa gayaa

kyaa bataaun mein tumhein is shahr kaa jughraafiya
bambai hai ik ghazal gaD-baD hai jis kaa qaafiya

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

khushiyaan jo baT rahi thiin vo ham ko nahin milin
aai hamaari baari to vaapas nazar hui

kaun pas-e-manzar mein ujDe paikaron ko dekhtaa
shahar ki nazrein libaas-e-khushnumaa mein kho gaiin

hanse bhi roe bhi lekin na samjhe
khushi kyaa chiiz hai duniyaa mein gham kyaa

zaraa ruuTh jaane pe itni khushaamad
'qamar' tum bigaaDoge aadat kisi ki