zamaane bhar ko mubaarak khushi kaa aalam ho — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

jab ki pahlu se yaar uThtaa hai
dard be-ikhtiyaar uThtaa hai

mujhe bachaa le mire yaar soz-e-imshab se
ki ik sitaara-e-vahshat jabin se guzregaa

yak qadam raah-e-dost hai 'daaud'
lekin afsos paa-e-bakht hai lang

ham ko aghyaar kaa gilaa kyaa hai
zakhm khaaein hain ham ne yaaron se

jo munh se kahte hain kuchh aur karte hain kuchh aur
vahi zamaana mein kuchh ikhtiyaar rakhte hain

kam-ayaari ne khudaa-soz banaayaa aisaa
but to sab yaad rahe ek khudaa bhuul gae