aa hi jaate ho khvaab mein har shab — Ehya Bhojpuri

nazar utaarti hain vaqt vaqt par meri
mili hain maaon ko binaaiyaan ajib-o-gharib

miraa ghar jalaane vaale mujhe fikr hai tiri bhi
ki havaa kaa rukh jo badlaa tiraa ghar bhi jal na jaae

yuun to laDaai-jhagDe ki aadat nahin mujhe
phir bhi ghalat kiyaa thaa garebaan chhoD kar

sab hifaazat kar rahein hain mustaqil divaar ki
jab ki hamla ho rahaa hai mustaqil buniyaad par

khud par kisi ko hansne kaa mauqa nahin diyaa
puchhaa kisi ne haal to cigarette jalaa liyaa

milaa hai takht jo jamhuriyat mein bandar ko
to un se kyaa sabhi jangal ke sher Dar jaaein

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

miTTi jab tak nam rahti hai
khushbu taaza-dam rahti hai

utar gayaa hai rag-o-pai mein zaaiqa us kaa
ajiib shahad saa kal raat us zabaan mein thaa

kitaabon se nikal kar titliyaan ghazlein sunaati hain
tiffin rakhti hai meri maan to basta muskuraataa hai