yaaro hudud-e-gham se guzarne lagaa huun main — Faragh Rohvi

ham se tahzib kaa daaman nahin chhoDaa jaataa
dasht-e-vahshat mein bhi aadaab liye phirte hain

mujh mein hai yahi aib ki auron ki tarah main
chehre pe kabhi dusraa chehraa nahin rakhtaa

khuub nibhegi ham donon mein mere jaisaa tu bhi hai
thoDaa jhuTaa main bhi Thahraa thoDaa jhuTaa tu bhi hai

kisi ne raah kaa patthar hamin ko Thahraayaa
ye aur baat ki phir aaina hamin Thahre

ik din vo mere aib ginaane lagaa 'faraagh'
jab khud hi thak gayaa to mujhe sochnaa paDaa

usi taraf hai zamaana bhi aaj mahv-e-safar
'faraagh' main ne jidhar se guzarnaa chaahaa thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

jis ne duniyaa bhar ke gham apnaae the
us ko duniyaa ne kahaa be-dard thaa

kuchh itne ho gae maanus sannaaTon se ham 'akhtar'
guzarti hai giraan apni sadaa bhi ab to kaanon par

shaayad apnaa hi taaaqub hai mujhe sadiyon se
shaayad apnaa hi tasavvur liye jaataa hai mujhe