tire khilaaf kiyaa jab bhi ehtijaaj ai dost — Fartash Syed

aasmaanon pe uDo zehn mein rakkho ki jo chiiz
khaak se uThti hai vo khaak pe aa jaati hai

tu samajhtaa hai ki main kuchh bhi nahin tere baghair
main tire pyaar se inkaar bhi kar saktaa huun

rang-o-khushbu kaa kahin koi kare zikr to baat
ghuum phir kar tiri poshaak pe aa jaati hai

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe