vo tifl-e-nusairi aae shaayad — Goya Faqir Mohammad

bijli chamki to abr royaa
yaad aa gai kyaa hansi kisi ki

har gaam pe hi saae se ik misraa-e-mauzun
gar chand qadam chaliye to kyaa khuub ghazal ho

aasmaan kahte hain jis ko vo zamin-e-sher hai
maah-e-nau misraa hai vasf-e-abru-e-khamdaar mein

khaar chubh kar jo TuTtaa hai kabhi
aabla phuuT phuuT rotaa hai

apne sivaa nahin hai koi apnaa aashnaa
dariyaa ki tarah aap hain apne kanaar mein

saare quraan se us pari-ru ko
yaad ik lafz-e-lan-taraani hai