apne sivaa nahin hai koi apnaa aashnaa — Goya Faqir Mohammad

bijli chamki to abr royaa
yaad aa gai kyaa hansi kisi ki

har gaam pe hi saae se ik misraa-e-mauzun
gar chand qadam chaliye to kyaa khuub ghazal ho

aasmaan kahte hain jis ko vo zamin-e-sher hai
maah-e-nau misraa hai vasf-e-abru-e-khamdaar mein

vo tifl-e-nusairi aae shaayad
qasmein duun murtazaa-ali ki

khaar chubh kar jo TuTtaa hai kabhi
aabla phuuT phuuT rotaa hai

saare quraan se us pari-ru ko
yaad ik lafz-e-lan-taraani hai

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

biich dariyaa mein utar kar dekhiye
'ishq-dariyaa mein kinaare kuchh nahin

is raaz ko kyaa jaanein saahil ke tamaashaai
ham Duub ke samjhe hain dariyaa tiri gahraai

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

taalaab iraade kaa bhare pal mein labaalab
jab yaar ke dariyaa-e-karam suun lahr aave

husn-e-qismat se hamesha 'fitrat'
bakht bedaar rahaa khvaabon mein