saare quraan se us pari-ru ko — Goya Faqir Mohammad

har gaam pe hi saae se ik misraa-e-mauzun
gar chand qadam chaliye to kyaa khuub ghazal ho

aasmaan kahte hain jis ko vo zamin-e-sher hai
maah-e-nau misraa hai vasf-e-abru-e-khamdaar mein

vo tifl-e-nusairi aae shaayad
qasmein duun murtazaa-ali ki

khaar chubh kar jo TuTtaa hai kabhi
aabla phuuT phuuT rotaa hai

apne sivaa nahin hai koi apnaa aashnaa
dariyaa ki tarah aap hain apne kanaar mein

bijli chamki to abr royaa
yaad aa gai kyaa hansi kisi ki

mere khvaabon ke jharokon ko sajaate rahiye
na sahi vasl magar yaad to aate rahiye

kisi ki yaad manaane mein iid guzregi
so shahr-e-dil mein bahut duur tak udaasi hai

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi

main tinke chuntaa phirtaa huun sayyaad tiliyaan
tayyaar ho rahaa hai qafas aashiyaan ke saath

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa