umr jo be-khudi mein guzri hai — Gulzar Dehlvi

haae kyaa daur-e-zindagi guzraa
vaaqiye ho gae kahaani se

jahaan insaaniyat vahshat ke haathon zabh hoti ho
jahaan tazlil hai jiinaa vahaan behtar hai mar jaanaa

miir ke baa'd ghaalib o iqbaal
ik sadaa, ik sadi mein guzri hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

dimaagh ko kar rahaa huun raushan main daagh-e-dil ke jalaa rahaa huun
ab apni taarik zindagi kaa nayaa saraapaa banaa rahaa huun

main sang-e-mil thaa to ye karnaa paDaa mujhe
taa-umr raaste mein Thaharnaa paDaa mujhe

zindagi jis ne talkh ki meri
vo mujhe zindagi se pyaaraa hai