miir ke baa'd ghaalib o iqbaal — Gulzar Dehlvi

haae kyaa daur-e-zindagi guzraa
vaaqiye ho gae kahaani se

jahaan insaaniyat vahshat ke haathon zabh hoti ho
jahaan tazlil hai jiinaa vahaan behtar hai mar jaanaa

umr jo be-khudi mein guzri hai
bas vahi aagahi mein guzri hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kaun saa dard utar aayaa hai tahriron mein
saare alfaaz janaaze ki tarah lagte hain

mujh ko thi mahfilon ki bahut aarzu magar
tanhaaiyon ke khauf se tanhaa rahaa huun main

tez baarish mein kahin duur saDak par baiThe
ham tire chhoD ke jaane kaa sabab sochte hain