main sang-e-mil thaa to ye karnaa paDaa mujhe — Siraj Faisal Khan

main kahkashaaon mein khushiyaan talaashne niklaa
mire sitaare meraa chaand sab udaas rahe

zamin mere sajde se tharraa gai
mujhe aasmaan se pukaaraa gayaa

bichhaD jaaeinge ham donon zamin par
ye us ne aasmaan par likh diyaa hai

vasl mein suukh gai hai miri sochon ki zamin
hijr aae to miri soch ko shaadaab kare

likkhaa hai taarikh ke safhe safhe par ye
shaahon ko bhi daas banaayaa jaa saktaa hai

aaj meri ik ghazal ne us ke honTon ko chhuaa
aaj pahli baar apni shaairi achchhi lagi

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

shaamil nahin hain jis mein teri muskuraahaTein
vo zindagi kisi bhi jahannam se kam nahin

armaan tamaam umr ke siine mein dafn hain
ham chalte phirte log mazaaron se kam nahin

bajaae zahraab kis ne saaqi bhare hain amrit se jaam-o-saaghar
ki log aab-e-hayaat pi kar qazaa se pahle hi mar rahe hain