ye dil bhi dost zamin ki tarah — Gulzar

aap ne auron se kahaa sab kuchh
ham se bhi kuchh kabhi kahin kahte

aaina dekh kar tasalli hui
ham ko is ghar mein jaantaa hai koi

shaam se aankh mein nami si hai
aaj phir aap ki kami si hai

aadatan tum ne kar diye vaade
aadatan ham ne e'tibaar kiyaa

aap ke baa'd har ghaDi ham ne
aap ke saath hi guzaari hai

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

jab ki pahlu se yaar uThtaa hai
dard be-ikhtiyaar uThtaa hai

vo zulfein vo nazrein vo jumbish labon ki
vo sab un ke hathiyaar kaam aa rahe hain

pyaar se sarshaar karnaa pyaar se chhunaa mujhe
chaak-dil insaan Thahraa TuuTe pyaale ki tarah

vo jahaan chaahe chalaa jaae ye us kaa ikhtiyaar
sochnaa ye hai ki main khud ko kahaan le jaaungaa

yaa-rab gham-e-hijraan mein itnaa to kiyaa hotaa
jo haath jigar par hai vo dast-e-duaa hotaa

yaa ilaahi mujh ko ye kyaa ho gayaa
dosti kaa teri saudaa ho gayaa