haae vo naghma jis kaa mughanni — Hafeez Merathi

shisha TuuTe ghul mach jaae
dil TuuTe aavaaz na aae

vo vaqt kaa jahaaz thaa kartaa lihaaz kyaa
main doston se haath milaane mein rah gayaa

raat ko raat kah diyaa main ne
sunte hi baukhlaa gai duniyaa

ik ajnabi ke haath mein de kar hamaaraa haath
lo saath chhoDne lagaa aakhir ye saal bhi

bad-tar hai maut se bhi ghulaami ki zindagi
mar jaaiyo magar ye gavaaraa na kijiyo

abhi se hosh uDe maslahat-paraston ke
abhi main bazm mein aayaa abhi kahaan bolaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

maut ne aa kar bachaayaa phir mujhe
dard ne jab zindagi se baat ki

khushi ke daur to mehmaan the aate jaate rahe
udaasi thi ki hamesha hamaare ghar mein rahi