ik baar aur meri ayaadat ko aaiye — Hakim Fasihuddin Ranj

mere khvaabon ke jharokon ko sajaate rahiye
na sahi vasl magar yaad to aate rahiye

ek tumhaari yaad ne laakh diye jalaae hain
aamad-e-shab ke qabl bhi khatm-e-sahar ke baad bhi

ab to kuchh bhi yaad nahin hai
ham ne tum ko chaahaa hogaa

itni fursat de ki rukhsat ho lein ai sayyaad ham
muddaton is baagh ke saaye mein the aazaad ham

khushi se apnaa ghar aabaad kar ke
bahut roeinge tum ko yaad kar ke

yaad kaa kyaa hai aa gai phir se
aankh kaa kyaa hai phir se ro li hai