khushi se apnaa ghar aabaad kar ke — Zaheer Rahmati

kisi din uqda-e-mushkil bhi khultaa
kabhi ham par bhi tum aasaan hote

jis ki kuchh taabir na ho
khvaab usi ko kahte hain

sadiyon mein koi ek mohabbat hoti hai
baaqi to sab khel tamaashaa hotaa hai

aur ehsaas-e-jihaalat baDh gayaa
kis qadar paDh likh ke jaahil ho gae

zamaane bhar ko hai ummid usi se
vo naa-ummid aisaa kar rahaa hai

yuun hi ham dard apnaa kho rahe hain
yahi ronaa hai ham kyuun ro rahe hain

mere khvaabon ke jharokon ko sajaate rahiye
na sahi vasl magar yaad to aate rahiye

naghmon ki ibtidaa thi kabhi mere naam se
ashkon ki intihaa huun mujhe yaad kijiye

jab jaam diyaa thaa saaqi ne jab daur chalaa thaa mahfil mein
ik hosh ki saaat kyaa kahiye kuchh yaad rahi kuchh bhuul gae

main ne jin ke liye raahon mein bichhaayaa thaa lahu
ham se kahte hain vahi ahd-e-vafaa yaad nahin

ham ko jannat ki fazaa se bhi ziyaada hai aziiz
yahi be-rang si duniyaa yahi be-mehr se log

raushni hai kisi ke hone se
varna buniyaad to andheraa thaa