yaad kaa kyaa hai aa gai phir se — Ibn

dil mein sajde kiyaa karo 'mufti'
is mein parvardigaar rahtaa hai

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

tere khvaabon ki lat lagi jab se
raat kaa intizaar rahtaa hai

mere khvaabon ke jharokon ko sajaate rahiye
na sahi vasl magar yaad to aate rahiye

kyuun javaani ki mujhe yaad aai
main ne ik khvaab saa dekhaa kyaa thaa

aavaara o majnun hi pe mauquf nahin kuchh
milne hain abhi mujh ko khitaab aur ziyaada

use ab bhuul jaane kaa iraada kar liyaa hai
bharosa ghaaliban khud par ziyaada kar liyaa hai

duur mujh se rahte hain saare gham zamaane ke
teri yaad ki khushbu dil mein jab Thaharti hai

sukun-e-qalb to kiyaa hai qaraar-e-jaan bhi luTaa
tumhaari yaad bhi aai to raahzan ki tarah