khudaa jaane kis kis ki ye jaan legi — Hasrat Jaipuri

divaar hai duniyaa ise raahon se haTaa de
har rasm-e-mohabbat ko miTaane ke liye aa

kahin vo aa ke miTaa dein na intizaar kaa lutf
kahin qubul na ho jaae iltijaa meri

kis vaaste likkhaa hai hatheli pe miraa naam
main harf-e-ghalat huun to miTaa kyuun nahin dete

ham raaton ko uTh uTh ke jin ke liye rote hain
vo ghair ki baanhon mein aaraam se sote hain

ye kis ne kahaa hai miri taqdir banaa de
aa apne hi haathon se miTaane ke liye aa

jab pyaar nahin hai to bhulaa kyuun nahin dete
khat kis liye rakkhe hain jalaa kyuun nahin dete

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

jis ki jaanib 'adaa' nazar na uThi
haal us kaa bhi mere haal saa thaa

kuchh itni raushni mein the chehron ke aaine
dil us ko DhunDhtaa thaa jise jaantaa na thaa