tulu hogaa abhi koi aaftaab zarur — Hazin Ludhianvi

utar ke niche kabhi mere saath bhi to chalo
buland khiDkiyon se kab talak pukaaroge

tundi-e-sail-e-vaqt mein ye bhi hai koi zindagi
subh hui to ji uThe, raat hui to mar gae

aao mil baiTh kar hansein bolein
nahin maalum kab judaa ho jaaein

nazar na aai kabhi phir vo gaanv ki gori
agarche mil gae dehaat aa ke shahron se

jo paa liyaa tujhe main khud ko DhunDne niklaa
tumhaare qurb ne bhi zakhm-e-naa-rasaai diyaa

aankhon mein meri subh-e-qayaamat gai jhamak
siine se us pari ke jo parda ulaT gayaa

rang-e-shikasta subh-e-bahaar-e-nazaara hai
ye vaqt hai shaguftan-e-gul-haa-e-naaz kaa

gham-e-hasti kaa 'asad' kis se ho juz marg ilaaj
shama har rang mein jalti hai sahar hote tak

us ke jaane se miraa dil hai mire siine mein
dam kaa mehmaan charaagh-e-sahari ki surat

ai nasim-e-sahari bu-e-mohabbat le aa
turra-e-yaar sati itr ki mahkaar kuun khol

hoti hi nahin subh-e-qayaamat bhi numudaar
jaageinge shab-e-hijr ke bimaar kahaan tak