tundi-e-sail-e-vaqt mein ye bhi hai koi zindagi — Hazin Ludhianvi

utar ke niche kabhi mere saath bhi to chalo
buland khiDkiyon se kab talak pukaaroge

aao mil baiTh kar hansein bolein
nahin maalum kab judaa ho jaaein

tulu hogaa abhi koi aaftaab zarur
dhuaan uThaa hai sar-e-shaam phir charaaghon se

nazar na aai kabhi phir vo gaanv ki gori
agarche mil gae dehaat aa ke shahron se

jo paa liyaa tujhe main khud ko DhunDne niklaa
tumhaare qurb ne bhi zakhm-e-naa-rasaai diyaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne