akele paar utar ke bahut hai ranj mujhe — Irfan Ahmad

jaane kis shahr mein aabaad hai tu
ham hain barbaad yahaan tere baad

nashsha thaa zindagi kaa sharaabon se tez-tar
ham gir paDe to maut uThaa le gai hamein

gham-e-hayaat ne bakhshe hain saare sannaaTe
kabhi hamaare bhi pahlu mein dil dhaDaktaa thaa

ujlat mein aasmaan se aage nikal gayaa
main apne hi makaan se aage nikal gayaa

zakhm jo tu ne diye tujh ko dikhaa to duun magar
paas tere bhi nasihat ke sivaa hai aur kyaa

tark-e-taalluqaat ki bas intihaa na puchh
ab ke to main ne tark kiyaa apne aap ko