jān-levā thiiñ ḳhvāhisheñ varna — Jaun Elia

us kī chashm-e-nīm-vā se pūchhiyo
vo tire mizhgāñ-shumārāñ kyā hue

chāñd ne taan lī hai chādar-e-abr
ab vo kapḌe badal rahī hogī

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

jism meñ aag lagā duuñ us ke
aur phir ḳhud hī bujhā duuñ us ko

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

jurm meñ ham kamī kareñ bhī to kyuuñ
tum sazā bhī to kam nahīñ karte

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

maanā ki terī diid ke qābil nahīñ huuñ maiñ
tū merā shauq dekh mirā intizār dekh

bārhā terā intizār kiyā
apne ḳhvāboñ meñ ik dulhan kī tarah

bāġh-e-bahisht se mujhe hukm-e-safar diyā thā kyuuñ
kār-e-jahāñ darāz hai ab mirā intizār kar

ye daaġh daaġh ujālā ye shab-gazīda sahar
vo intizār thā jis kā ye vo sahar to nahīñ

jāntā hai ki vo na ā.eñge
phir bhī masrūf-e-intizār hai dil