adab kaa ziina milaa ziist kaa qarina milaa — Jawaz Jafri

phir huaa aise ki mujh ko dar-ba-dar karne ke baad
naam us basti kaa mere naam par rakkhaa gayaa

kabhi divaar ko tarse kabhi dar ko tarse
ham hue khaana-ba-dosh aise ki ghar ko tarse

zehn is khauf se hone lage banjar ki yahaan
achchhi takhliq par kaT jaate hain meamaar ke haath

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

suukh gai jab aankhon mein pyaar ki niili jhiil 'qatil'
tere dard kaa zard samundar kaahe shor machaaegaa

thoDi si aur zakhm ko gahraai mil gai
thoDaa saa aur dard kaa ehsaas ghaT gayaa

ishrat-e-qatra hai dariyaa mein fanaa ho jaanaa
dard kaa had se guzarnaa hai davaa ho jaanaa