kis tarah duur hon aalaam-e-gharib-ul-vatani — Josh Malsiani

jis ko tum bhuul ga.e yaad kare kaun us ko
jis ko tum yaad ho vo aur kise yaad kare

taalib-e-khair na honge kabhi insaan se ham
naam us kaa hai bashar us mein hai shar do-baTaa-tin

yaa rahein is mein apne ghar ki tarah
yaa mire dil mein aap ghar na karein

aane vaali hai kyaa balaa sar par
aaj phir dil mein dard hai kam kam

pi loge to ai shaikh zaraa garm rahoge
ThanDaa hi na kar dein kahin jannat ki havaaein

vatan ki sar-zamin se ishq-o-ulfat ham bhi rakhte hain
khaTakti jo rahe dil mein vo hasrat ham bhi rakhte hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi kahte hain jis ko chaar din ki baat hai
bas hamesha rahne vaali ik khudaa ki zaat hai

jis ne ik umr di hai bachchon ko
us ke hisse mein ek din aayaa

pasina maut kaa maathe pe aayaa aaina laao
ham apni zindagi ki aakhri tasvir dekheinge