dastur hi alag hai tiri bazm-e-naaz kaa — Jyoti Azad Khatri

saamne aae binaa us se mukhaatab rahnaa
ek jaadu hai jo aataa hai mujhe sirf mujhe

kabhi dariyaa kabhi sahraa banaayaa
kisi ke ishq ne kyaa kyaa banaayaa

jis ke chehre pe main marti huun sitam to ye hai
us ki tasvir hi album mein mire saath nahin

us se baatein to bahut karni thiin par soch liyaa
us ki har baat pe kahnaa hai koi baat nahin

main saamne huun abhi guftugu karo mujh se
ki baad mein miri tasvir dekhte rahnaa

sach puchho to ham ko hamaari
aankhon ne barbaad kiyaa hai

tujh aisi narm garm kai laDkiyon ke saath
main ne shab-e-firaaq Dubo di sharaab mein

ye alag baat ki alfaaz hain mere lekin
sach to bas ye hai ki teri hi sadaa hai mujh mein

firaaq bichhDi hui khushbuon kaa sah na sakein
to phuul apnaa badan paaraa paaraa karte hain

aakhir huaa hai hashr bapaa intizaar mein
subh-e-shab-e-firaaq hui maarvaaD mein

tishnigaan-e-zauq is sahraa-e-hasti se alag
paanv maaro to ubaltaa hai samundar saamne

ek dard-e-judaai kaa gham kyaa karein
kis maraz ki davaa hai tire shahr mein