kabhi dariyaa kabhi sahraa banaayaa — Jyoti Azad Khatri

saamne aae binaa us se mukhaatab rahnaa
ek jaadu hai jo aataa hai mujhe sirf mujhe

jis ke chehre pe main marti huun sitam to ye hai
us ki tasvir hi album mein mire saath nahin

us se baatein to bahut karni thiin par soch liyaa
us ki har baat pe kahnaa hai koi baat nahin

main saamne huun abhi guftugu karo mujh se
ki baad mein miri tasvir dekhte rahnaa

dastur hi alag hai tiri bazm-e-naaz kaa
ilzaam de ke kah diyaa ilzaam hi to hai

sach puchho to ham ko hamaari
aankhon ne barbaad kiyaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

hamein dekho hamaare paas baiTho ham se kuchh sikho
hamin ne pyaar maangaa thaa hamin ne daagh paae hain

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

hotaa na koi kaar-e-zamaana mire supurd
bas apne kaarobaar-e-mohabbat ko dekhtaa

surur-e-jaan-fazaa deti hai aaghosh-e-vatan sab ko
ki jaise bhi hon bachche maan ko pyaare ek jaise hain