tujh aisi narm garm kai laDkiyon ke saath — Mansoor Aafaque

baarishein us kaa lab-o-lahja pahan leti thiin
shor karti thi vo barsaat mein jhaanjhar ki tarah

vo tiraa unchi haveli ke qafas mein rahnaa
yaad aae to parindon ko rihaa kartaa huun

qayaam kartaa huun akasr main dil ke kamre mein
ki jam na jaae kahin gard us ki chizon par

aa giraa zinda shamshaan mein lakDiyon kaa dhuaan dekh kar
ik musaafir parinda kai sard raaton kaa maaraa huaa

bas ek raat se kaise thakan utarti hai
badan ko chaahiye aaraam kuchh ziyaada hi

bas ek lunch hi mumkin thaa jaldi jaldi mein
use bhi jaanaa thaa mujh ko bhi kaam karnaa thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

ham tire hijr ki sabhi raatein
pi ke cigarette guzaar dete hain

kahte the match dekhne vaale pukaar ke
ustaad jaa rahe hain shab-e-gham guzaar ke