zalzala nepal mein aayaa ki hindostaan mein — Kamal Jafari

hamesha aap ko samjhaa ki aap apne hain
hamesha aap ne samjhaa ki dusre hain ham

sitam-e-garmi-e-sahraa mujhe maalum na thaa
khushk ho jaaegaa dariyaa mujhe maalum na thaa

qarib rah ki bhi tu mujh se duur duur rahaa
ye aur baat ki barson se tere paas huun main

bikhraa bikhraa huun ek muddat se
rafta rafta sanvar rahaa huun main

jab ki pahlu se yaar uThtaa hai
dard be-ikhtiyaar uThtaa hai

bhuuk chehron pe liye chaand se pyaare bachche
bechte phirte hain galiyon mein ghubaare bachche

hijr ne us ke hamein bakhshi ghazal
ham firaaq-e-yaar kaa gham kyon karein

hamaare un ke ta'alluq kaa ab ye aalam hai
ki dosti kaa hai kyaa zikr dushmani bhi nahin

tire khilaaf kiyaa jab bhi ehtijaaj ai dost
miraa vajud bhi shaamil nahin huaa mire saath

pyaar gayaa to kaise milte rang se rang aur khvaab se khvaab
ek mukammal ghar ke andar har tasvir adhuri thi