sitam-e-garmi-e-sahraa mujhe maalum na thaa — Kamal Jafari

hamesha aap ko samjhaa ki aap apne hain
hamesha aap ne samjhaa ki dusre hain ham

qarib rah ki bhi tu mujh se duur duur rahaa
ye aur baat ki barson se tere paas huun main

bikhraa bikhraa huun ek muddat se
rafta rafta sanvar rahaa huun main

zalzala nepal mein aayaa ki hindostaan mein
zalzale ke naam se tharraa uThaa saaraa jahaan

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi