rahi be-qaraari asiri ki yuun hi — Khwaja Hasan 'Hasan'

vo jab tak ki zulfein sanvaaraa kiyaa
khaDaa us pe main jaan vaaraa kiyaa

vaqt-e-nazzaara na ro kahte the ai chashm tujhe
shiddat-e-girya se le khaak na sujhaa, dekhaa

umanD ke aankh se ik baar bah chale aansu
hansi hansi mein jo zikr-e-vidaa-e-yaar aayaa

mere khvaabon ke jharokon ko sajaate rahiye
na sahi vasl magar yaad to aate rahiye

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

yaad aai hai to phir TuuT ke yaad aai hai
koi guzri hui manzil koi bhuli hui dost

koi viraani si viraani hai
dasht ko dekh ke ghar yaad aayaa

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

kaun suntaa hai bhikaari ki sadaaein is liye
kuchh zarifaana latife yaad kar lete hain ham